Gipuzkoako Foru Aldundiak web honetan elkargune bat eskaintzen die herritarren
partaidetzaren proiektu partekatu batean parte hartu eta hausnarketa egin nahi duten guztiei
DENON ARTEAN GIPUZKOA ERAIKITZEN DUGU
Abian dira partaidetza prozesuak
-
10 / 06 / 08
IRUN. Irun 2010: gazte partaidetzaren tresnak zehaztea
Gazte politikak eta jarraitasuna izango lukeen partaidetza batzorde sorrera izan dira eztabaidagaiak Irungo gazte talderen ordezkariek, udal arduradunekin batera, parte hartu duten prozesuan. Guztira 20 lagunek baino gehiago konpromisoa hartu dute partaidetza talde horri jarraipena emateko.
-
10 / 06 / 08
ORDIZIA. Talde lana sustatzea Ordiziako kulturarekin lotura duten eragileen artean
Asmoa baitzen zer espazio komun behar diren adostea, kultur ekitaldien mapa osatzea eta koordinazio tresnak zehaztea, esperientzia bat egin da, udal arduradunen eta Ordiziako kultur eragileen partaidetzarekin. Guztira hogei bat lagunek hartu dute parte. Bestalde, Ordiziako Kultur Batzordea ezaugarritzen saiatu dira.
-
10 / 06 / 08
BERGARA. Zehaztea eraikin balioaniztun baten eginkizunak eta antolaketa fisikoa
Bergarako eraikin balioaniztun baten diseinua herritarren artean adostea nahi baita, eraikina izan dadin herriko kultur eragileen beharrei eta asmoei egokitua, 80 lagunek partaidetzako prozesu bat gauzatu dute. Lagun horietako batzuk elkartetan antolatuta daude, beste batzuk norbanakoak dira eta gainerakoak, berriz, udal ordezkariak dira. Atera diren ondorioekin behin-behineko proiektu bat egin nahi da, berariaz sortu den jarraipen batzorde batek azter dezan, behin betiko erabakia hartu aurretik.
Herritarren parte hartzeari buruzko foru arau berria
Herritarren partaidetzak, demokratizazio eta giza eraldaketako elementua den aldetik, baldintza batzuk behar ditu garatzeko. Gipuzkoako Foru Aldundiak abian jarri du partaidetza proiektu bat Foru Arau bat egiteko, non erakundearen lehentasunak eta konpromisoak biltzen diren.
Berriak
-
10 / 07 / 22
Gipuzkoako hamar udalerrik herritarrek parte hartzeko hainbat ekimen jarriko dituzte abian Kudeatuz programaren hirugarren edizioan
Lehendakaritzako foru diputatu Edurne Egañak eta Antzuola, Beasain, Elgeta, Mutriku, Orio, Ormaiztegi, Urnieta, Urretxu, Zestoa eta Zumaiako alkateek lankidetza hitzarmena sinatu dute. Dagoeneko Gipuzkoako 30 udalerrik jarri dituzte abian herritarrek parte hartzeko prozesuak Kudeatuz programaren barruan.
Dokumentuak
Gipuzkoako Foru Aldundiak bultzatutako herritarren parte hartzeari buruzko dokumentu guztiak.
Atalera joan
